ໃນວັນທີ 13 ມັງກອນ 2026, ອີກໜຶ່ງບາດກ້າວທີ່ສຳຄັນແມ່ນການເປີດຕົວລະບົບການຊຳລະເງິນດິຈິຕອນແບບຄົບວົງຈອນ ຮ່ວມກັບ ສາຍການບິນລາວ (Lao Airlines). ການຮ່ວມມືໃນຄັ້ງນີ້ ຊ່ວຍໃຫ້ການຈອງປີ້ຍົນ ແລະ ການຊຳລະເງິນມີຄວາມສະດວກສະບາຍ ແລະ ປອດໄພ, ເຊິ່ງເປັນການຕອບໂຈດວິໄສທັດຂອງ Umoney ໃນການເປັນເພື່ອນຮ່ວມທາງ "ຊີວິດດິຈິຕອນ" (Digital Life) ທີ່ຄົບວົງຈອນ ສຳລັບປະຊາຊົນລາວ.

Umoney ໄດ້ກ້າວເຂົ້າສູ່ເວທີການເງິນລະດັບສາກົນ ໂດຍຜ່ານການຮ່ວມມືຍຸດທະສາດກັບ Visa ເພື່ອເລີ່ມນຳໃຊ້ລະບົບ VisaPay. ໃນປີດຽວກັນນັ້ນ, Unitel ໄດ້ເປີດໃຫ້ບໍລິການ 5G ຢ່າງເປັນທາງການ, ເຊິ່ງເປັນການຍົກລະດັບຄວາມໄວ ແລະ ຄວາມປອດໄພທີ່ທັນສະໄໝໃຫ້ກັບ Umoney ເພື່ອຮອງຮັບຜູ້ໃຊ້ບໍລິການຫຼາຍກວ່າ 1.6 ລ້ານຄົນ.

ໃນໂອກາດຄົບຮອບ 2 ປີ, Umoney ໄດ້ຂະຫຍາຍຈຸດບໍລິການຢ່າງວ່ອງໄວຈົນບັນລຸ 10,000 ຈຸດ ໃນທົ່ວ 148 ເມືອງ. ໃນປີດຽວກັນນັ້ນ ຍັງມີຜົນງານທີ່ໂດດເດັ່ນໃນລະດັບສາກົນ ໂດຍໄດ້ຮັບລາງວັນ Silver Stevie® Award ດ້ານນະວັດຕະກຳ ແລະ ລາງວັນ IT World Award ດ້ານການເງິນ ແລະ ການທະນາຄານ

ບໍລິສັດ ສະຕາ ຟິນເທັກ ຈຳກັດ (Star Fintech Co., Ltd) ໄດ້ຮັບການສ້າງຕັ້ງຂຶ້ນຢ່າງເປັນທາງການໃນວັນທີ 10 ມິຖຸນາ 2019. ໃນບາດກ້າວປະຫວັດສາດນີ້, ບໍລິສັດໄດ້ກາຍເປັນຜູ້ໃຫ້ບໍລິການທຳອິດທີ່ໄດ້ຮັບໃບອະນຸຍາດຢ່າງເປັນທາງການຈາກທະນາຄານແຫ່ງ ສປປ ລາວ ເພື່ອດຳເນີນທຸລະກິດການບໍລິການເງິນທາງໂທລະສັບມືຖື (Mobile Money), ເຊິ່ງເປັນການວາງຮາກຖານໃຫ້ແກ່ລະບົບການເງິນດິຈິຕອນໃນທົ່ວປະເທດ.